110 jeugdige muzikante oet gans Leudal gaon op zaoterdig 26 jannewari ‘ne ganse daag lang meziek make en belaeve. Ómdet vastelaovesvereiniging De Sjansemaekers oet Roggel 6×11 jaor bestaon, haet hermenie Amicitia same mét de Sjansemaekers deze daag väör de leden van hafa-jeugdorkeste oet Leudal georganiseerdj.

Wae zeen van meining det de jeugd de toekomst haet en det wae de belangrieke taak höbbe óm ‘t cultuurerfgoed van vastelaovendj en väöral meziek aan de jongere door te gaeve.

Ónger ’t motto: wat is vastelaovendj zónger meziek, haet ouch Myouthic zich bie ós aangeslaote om dit mäögelijk te make.

Dit ganse gebäöre steit in ’t teiken van de spectaculaire theatershow Roggel Leef Live, det ter iëre van ’t jubileum vanne Sjansemaekers waerdtj gepresenteerdj op vriedig 25 en zaoterdig 26 janewari in La Rochelle in Roggel.

Op zaoterdig 26 jannewari begintj in Ellenhof in Ell de jeugd met ’n intensieve repetitie. Ónger de bezielendje leiding van Fer Koolen zulle d’r ’n behuerlijk aantal vastelaovesstökskes ingestudeerdj gaon waere.

Tösse de middig staon de bruedjes klaor en róndj de klok van 14:00 oor hervatte alle muzikante ‘t programma. In ‘nne apaarte zaal geit Sjoerd Ceelen aan de slaag mèt mer leefst 23 van ós zeer getalenteerdje slaagwèrkers, väör de show die dees jonges gaon weggaeve op ’t groeate concert.

Inmiddels höbbe zich den inne angere zaal get welbekèndje artieste zich bie ’t jeugdorkest gevoegdj. Ónger angere Toeter Thijs en Ron van richting Roy zölle dit spetterendje optraeje compleet gaon make. Dae letste zal väör uch ’t programma presentere.

Om 16:30 oor steit Fer Koolen mèt zien gigantische jeugdorkest klaor om uch te laote huere wieväöl meziek en vastelaovesgeveul d’r in Leudal te belaeve is! Waem wiltj noe neet getuge zeen van zo’n uniek evenement?

Wanniër? Zaoterdig 26 jannewari

Woea? Ellenhof in Ell

Wie laat? 16:30 oor

Entree? Gratis!


IN SAMEWÈRKING MÈT

ÓNGERSTEUNDJ DOOR

ÓNGERSTEUNDJ DOOR

Laot get weite

Het e-mailadres wordt niet gepubliceerd. Vereiste velden zijn gemarkeerd met *